首頁 » 天下貓貓一樣貓 » 貓咪最討厭嘅10件事情

貓咪最討厭嘅10件事情

2020/12/05 0 Comment(s) 養貓小知識,

貓咪最討厭嘅10件事情

 

愛貓人都知道，貓咪嘅聰明又獨特，如果我地唔了解佢地嘅天性，我哋做嘅嘢或環境會令佢地不安或討厭，大家要留意。

 

(一) 高頻聲音

貓咪們對高頻好敏感，所以特別討厭高頻聲音，例如吹風機、吸塵機、電話鈴聲、警笛嘅聲音等等。這些聲音會令貓咪焦躁不安，全身都處於在一種戒備嘅狀態，做出具有攻擊性嘅動作！鏟屎官唔好咁樣對佢地啊!

 

除了高頻，巨大嘅聲音，例如炮仗、雷聲等，貓咪也會害怕，佢地會匿埋角落裏、餐桌下面蜷縮成一團。此時，貓咪全身嘅毛髮會豎起來，發出低沉嘅叫喚，表情非常可憐。鏟屎官友善嘅態度和細心嘅照顧，都是放鬆貓咪情緒嘅好方法。


 

(二)討厭嘅氣味

貓咪討厭嘅氣味頗多

 

柑橘類：這一類嘅味道包括橙子，檸檬，柚子等等，對於貓咪來說，柑橘類散發出嘅酸味非常嘅刺鼻，尤其是橘子果皮一類嘅。

 

香水：貓咪本來就對於氣味非常敏感，濃烈嘅香水味道對於貓咪那更是刺鼻，而當我哋噴洒香水在身上，呢 d 香味會遮蓋咗我哋本身嘅味道，會讓貓咪沒有安全感。還有大家在選擇護手霜嘅時候不要選擇香味過於刺激嘅味道，貓咪會非常不喜歡甚至不願親近你

 

樟腦丸：樟腦丸可謂喺家中常備嘅一樣嘢，樟腦丸強烈嘅氣味可以驅蟲，但係樟腦嘅成分卻係對貓咪有毒性嘅，可能會引發貓咪嘅急性樟腦油中毒。不僅僅是樟腦丸，如薄荷膏，白花油等產品裏都含有樟腦嘅成分

 

醋：貓咪連柑橘類嘅水果中嘅酸味都不能接受，何況是醋味，很多人都接受不了酸酸嘅醋味，而且貓咪嘅嗅覺比人類敏感很多，所以呢 d 刺激性氣味當然會放大很多倍啦。

 

冇清理嘅貓砂盆：想不到吧! 貓咪居然會嫌棄自己嘅糞便。貓咪對於自身和周圍環境嘅衛生情況要求非常高，有一些貓咪甚至會因為貓砂盆太髒而不埋便便，或者是直接不進去貓砂盆便便，所以，作為一個合格稱職嘅鏟屎官，每天給主子清理貓砂盆是一件必須要做嘅事情。

 

辛辣味：例如洋蔥，大蒜等刺激性氣味不僅令貓咪討厭，也要避免在貓咪嘅食物裏加入。

 

汽油味：如果自駕帶貓咪外出，最好之前入油，不要途中去油站。

 

(三)討厭坐車

貓咪同狗狗不同，貓咪討厭坐車，如果要長時間乘坐汽車，貓咪身體調節能力就會隨之下降，平衡能力超強嘅牠也會暈車嘅甚至會嘔吐，最好先放入貓籠裏面然後才放上車，會容易適應及安心。

 

(四)不喜歡弄濕身體

大部分貓咪討厭把身上嘅毛髮弄濕。因為乾燥嘅貓毛可以幫助佢哋保持體溫。一般而言，生活在較為寒冷地區嘅貓（毛髮厚而濃密），比起嗰 d 生活喺炎熱地區嘅貓（毛髮薄而稀疏）更不喜歡水，但並不是所有嘅貓都討厭水。有些體型較大嘅貓咪就很喜歡把全身弄濕。

 

(五) 寒冷

貓咪嘅遠祖係炎熱乾燥氣候地方活動，所以貓係比較唔怕熱而怕寒冷，溫暖會令貓咪心情舒暢。

 

(六) 陌生人

貓咪好怕陌生人，一見到陌生人就會匿埋梳化底、床下底，所以唔好俾陌生人一見到貓咪就抱，貓咪要慢慢適應及感覺安全先至會出嚟。

 

(七) 驚喜 = 驚嚇

唔好諗住畀個驚喜貓咪，佢可能覺得驚嚇，因為貓咪好怕一 d 未見過嘅嘢突然放喺佢面前。 

 

(八) 過期食物

貓咪對食物有要求，一定要新鮮，如果一次過畀太多食物佢又食唔曬，擺得耐咗唔新鮮佢就唔會想再食。

 

(九) 害怕剪貓爪

貓爪係貓神奇嘅武器，鋒利堅韌、伸縮自如，貓長着爪子就像人隨身帶一把多功能嘅瑞士軍刀。如果剪爪子時弄傷，佢就會對剪甲產生恐懼。以後見有人拿利器來傷害自己爪子，誰不怕？

 

(十) 轉變

貓咪喜歡穩定及熟識嘅環境，一有轉變就會焦慮不安。