Country Naturals 主食罐試食分享

2020/06/27 0 Comment(s) 產品報告,

Country Naturals 樂淘美

今日介紹呢個牌子 Country Naturals 係美國大廠，佢嘅好處就係相對優質但係價錢平，佢有出乾糧同埋罐罐。今次話畀大家知呢個牌子係好認真去做嘢，一包5.4Kg 嘅大包糧大約$400零左右，156 gram罐頭(5.5oz) 賣 $18，銷量唔錯，係美國製造。不過佢適口性唔算好强，因為佢大部分係肉醬罐，有啲肉塊呀，鮮肉呀，肉絲之類，呢個貓咪係食到嘅、抵食嘅，不過問題都唔係隻隻貓都食到。係咪最靚呢？當然一分錢一分貨，但佢有兩個好處，就係磷同埋鎂相對低少少嘅。

如果本身啲貓已經後年紀大又或者消化能力弱，唔想咁多礦物質，佢嗰個啡色包裝同埋藍色包裝嘅磷同埋鎂都係低少少嘅。鎂大概0.09~0.1左右，啡色包裝嗰磷含量就係偏低嘅，啱啱過AAFCO少少，大約0.6。

我哋最近上咗架有七款泰國製造嘅 80gram罐，大家都知道好多牌子肉絲罐都係搵泰國製造。Country Naturals 今次做咗七款，全部都係畀 cat and kitten 嘅，其他牌子咁嘅size一般賣十幾蚊一罐，今次推出賣 $11，十分超值，全部不含卡拉膠 Carrageenan。

七款分別有：

3款肉塊

牛肉走地雞角切肉塊
草飼羊角切肉塊
走地雞角切肉塊

3款肉泥 (mousse)

走地雞肉泥
吞拿魚走地雞肉泥
深海吞拿魚肉泥
深海白魚肉泥

我哋知道有唔少朋友搵 mousse 主食罐，但市場上唔多嘅，而今次 Country Naturals 做咗4款mousse #主食罐，尤其啱鍾意舐肉汁唔好食肉或者罐罐嘅貓，試呢隻就唔錯嘅，咁我哋之前喺屋企就試過就覺得幾好，所以今日開畀大家睇。

今日先試開個深海吞拿魚肉泥，佢嘅質地似番典型嘅 mousse，同 Cindy mousse 就好大嘅分別，呢款比較 “杰身”，唔容易抽入針筒，但只要攪拌幾下就可以抽入針筒餵貓B。最緊要呢佢係主食罐，即係話呢佢裏面呢有齊所有氨基酸、礦物質、維他命等等，所以效果幾好嘅。當然啦，我好有信心呢啲咁嘅罐頭啲貓就食得好開心嘅。佢嘅味道同其他牌子相近，但口感好粉，可能佢加了好多礦物質。

第二款試開個 “草飼羊角切肉塊”，通常羊好鬼騷，佢唔算好騷，原來佢唔係純羊肉，係加咗雞，所以淺色, 跟住然後合併咗，呢啲唔可以叫肉絲罐，係肉塊罐。

第三款試開個 "走地雞角切肉塊"，係肉塊罐加 d 雞湯味汁，食落似有肉汁香腸嘅、午餐肉，比較飽肚，”獻” 汁比較多，溝水食都得。同呢隻牌子大罐差不多樣。

嚟緊我哋會做個拼盤，$11/罐 x 7罐 = $77，我哋會再畀特別折扣，$63一套(7罐)，售完即止。

http://www.catiscat.com.hk/index.php?route=product/product&product_id=4584&search=country+naturals

大家有咩想我哋試嘅產品，歡迎留言，多謝大家

標籤： Country Naturals 主食罐