踢爆貓罐生產商加料系列(一) - 卡拉膠

2020/09/26 0 Comment(s) 養貓小知識,

不少人視罐頭中加膠為洪水猛獸...真相係...

點解寵物罐頭會加膠?

膠類在罐頭中，除了用來加強「凝固」、「增稠」效果，使肉類與水不會分離，又可取代部分肉含量達 30%，令罐頭中的肉看起來又多又靚仔，從而大幅降低成本。另外，在食品罐頭中添加膠類，肉質在溫度變化下不容易出水。有研究指長期食用某幾種膠會可能會增加健康風險。

常見嘅膠類有邊幾種呢? ⚠ 表示有爭議性

卡拉膠 (Carrageenan) ⚠

瓜爾豆膠 (Guar Gum ) ⚠

黃原膠 (Xanthan gum ) ⚠

刺槐豆膠 (Locust bean gum)

決明子膠 ( Cassia Gum)

瓊膠 ( Agar-agar )

今次講嘅係卡拉膠Carrageenan ⚠

有好多貓友問卡拉膠喺罐上ingredients 點樣寫，世界各地都有好多不同名稱，例如鹿角菜膠、角叉菜膠、愛爾蘭苔菜膠 Algas, Algue, Carrageenan,Rouge Marine,Red Marine Algae, 歐盟編碼E407(藻酸鹽)等等。其實大多數食品添加劑除了用文字外，更多用歐盟編碼及化學名稱，作為非行內人士很難知道實際係添加咗咩嘢同埋有冇副作用。

小編隨手翻查，不少食品添加咗一大堆 Exxx，天啊!!！簡單而言 呢D都係卡拉膠係由一種紅藻中萃取的多醣體的總稱。

圖一: 紅藻

圖二 : 卡拉膠

有冇危害?

卡拉膠可分為2種，分別係”卡拉膠”及”降解卡拉膠”，有專家話 ”卡拉膠”完全冇問題。但在2000年前後，有幾篇論文聲稱卡拉膠會造成實驗動物的結腸潰瘍。降解後的卡拉膠可能誘發消化道癌症反應，並可能是癌症的誘發因子。

早在1974年，世衛組織和國際糧農組織的專家委員會（JECFA）就認為卡拉膠安全可靠，可以用於食品，歐洲食品科學委員會對此表示支持。

針對是否致癌這一爭議，2003年歐盟食品科學委員會認為，「沒有證據表明食品級的卡拉膠對人類健康不利，食品中的卡拉膠也不會產生降解卡拉膠」。國際癌症研究機構的評估也認為卡拉膠並不是致癌物，要造成腸道潰瘍的劑量係一個成年人一天吃45Kg 果凍。

2015年經過各國組織再次評估，專家組認為，卡拉膠甚至可以用於嬰兒奶粉或特殊醫療用途食品，只要將用量控制在每升1克以下（沖調後）就可以了。

點解話具爭議性?

2017年又有研究話有事

2018年又有研究推翻了話冇事

總之好多 "專家" 年年新鮮出爐返來覆去，長做長有。

我地唔係專家，如果有擔心嘅，揀冇卡拉膠主食罐。

如何挑選無膠罐頭?

仔細閱讀產品包裝上的成分表，如果有標出有卡拉膠的罐頭可考慮捨棄不用。

注意：通常配料表越靠後的原料成分含量就越低。

下一篇講其他膠有咩危害

踢爆貓罐生產商加料系列(二) - 瓜爾豆膠

踢爆貓罐生產商加料系列(三)之刺槐豆膠、決明子膠、瓊脂

標籤： 主食罐卡拉膠降解卡拉膠